యూరో సంక్షోభం: మరింత పెరగనున్న బంగారం ధర!

యూరప్ దేశాల్లో ఏర్పడిన ఆర్థిక సంక్షోభం కారణంగా దేశీయంగా పసిడి ధరలు మరింత ప్రియం కానున్నాయి. ఇప్పటికే పది గ్రాముల బంగారం ధర 19 వేల రూపాయలు పలుకుతోంది. యూరో సంక్షోభంతో పాటు దేశంలో పెళ్లిళ్ల సీజన్ ఆరంభంకావడంతో బంగారం ధరలకు మరింత రెక్కలు రానున్నాయి. మున్ముందు పది గ్రాముల బంగారం ధర 20 వేల రూపాయలకు చేరవచ్చని పసిడి వ్యాపారులు అభిప్రాయపడుతున్నారు.

యూరో ఆర్థిక ఒడిదుడుకుల కారణంగా పెట్టుబడిదారులు తమ నగదు రక్షణకు భరోసా ఉండే ప్రాంతంలో పెట్టేందుకు ఆసక్తి చూపుతున్నారు. ఇలాంటి వాటిలో బంగారం కొనుగోలుపై వారు ఎక్కువ ఆసక్తి చూపుతున్నారు. ఎందుకంటే ఇటీవలి కాలంలో దేశ స్టాక్ మార్కెట్ తీవ్ర ఒడిదుడుకులకు లోనైన విషయం తెల్సిందే.

దీంతో అనేక మంది షేర్ హోల్డర్లు, పెట్టుబడిదారులు స్టాక్ మార్కెట్లో తమ నగదును ఉపసంహరించుకుని బంగారం కొనుగోలుకు ఆసక్తి చూపుతున్నారు. వచ్చే 15 రోజుల పాటు పది గ్రాము బంగారం ధర రూ.18000-19000 మధ్యలో ఉండవచ్చని ఎస్ఎంసి గ్లోబల్ వైస్ ప్రెసిడెంట్ రాజేష్ జైన్ తెలిపారు. అయితే, యూరో జోన్‌లో పరిస్థితి చక్కబడని పక్షంలో వీటి ధర రూ.20 వేలకు చేరవచ్చని ఆయన అభిప్రాయపడ్డారు.

పెరిగిపోతున్న బంగారపు ధరలు తగ్గవంటార?

దేశీయ బులియన్ మార్కెట్‌లో  పది గ్రాముల బంగారం ధర రూ. 19,000లకు చేరుకుంది. చరిత్రలోనే బంగారం ధరలు 19 వేలకు చేరుకోవడం ఇదే ప్రథమమని బులియన్ మార్కెట్ వర్గాలు తెలిపాయి. డాలర్ విలువ తగ్గడంతోపాటు దేశంలో ప్రస్తుతం పెళ్ళిళ్ల సీజన్ కారణంగా బంగారం ధరలకు రెక్కలొచ్చాయని బులియన్ మార్కెట్ వర్గాలు పేర్కొన్నాయి.

ఢిల్లీలో ప్రతి పదిగ్రాముల బంగారం ధర రూ. 19,050లకు చేరుకుంది. గత నెల నుంచి యూరప్‌లో మాంద్యం తలెత్తడంతో డాలర్ రేట్లపై తీవ్రమైన ప్రభావం చూపిస్తోంది. దీంతో దేశీయ బంగారం ధరలు విపరీతంగా పెరిగిపోతున్నాయని వ్యాపారస్తులు తెలిపారు. పైగా బంగారంపై పెట్టుబడులు పెరుగుతుండటంతోపాటు రిటైల్ వ్యాపారస్తులు, స్టాకిస్టులు నగలను ముందస్తుగా కొనుగోలు చేస్తుండటంతో ధరలు విపరీతంగా పెరిగిపోతున్నట్లు బులియన్ మార్కెట్ వర్గాలు పేర్కొన్నాయి.

నేనేమో నగలు కొందామని చూస్తున్నాను. మా వారు బంగారం  ధరలు తగ్గాక అంటున్నారు. ఎప్పుడు తగ్గుతాయో నేను ఎప్పుడు కొంటానో !

మార్కెట్ లోకి సరికొత్త మారుతీ సుజుకీ ఆల్టో కారు

మారుతీ సుజుకీ సంస్థ మారిన ఆటోమొబైల్ ప్రమాణాల ప్రకారం భారత్ స్టేజ్-IV నిబంధనలకు అనుగునంగా సరికొత్త మారుతీ సుజుకీ ఆల్టో కారును విడుదల చేసింది. ఇంజన్ లో ఏ మార్పులూ చోటు చేసుకోని ఈ కారు769 సిసి ఇంజన్ సామర్థ్యంతో రూపొందింది. ఇంతకు ముందు వెర్షన్ కారులాగే ఈ కారు కూడా LX, LXI మరియు STD మోడళ్లలో లభ్యం అవుతుంది.

ఇక ఈ కారులో మార్పులు చేసుకున్నా కారు ధర మాత్రం పెరగకపోవడం విశేషం. ఈ కారు మునుపటిలాగే రూ 2.2 లక్షల నుండీ రూ 2.7 లక్షల మధ్యలో అందుబాటులో వుంటుంది.

సుమత్రాను తాకిన భారీ భూకంపం

జకార్తా: ఇండోనేషియా దీవిలోని సుమత్రాను బుధవారం భారీ భూకంపం తాకింది. రిక్టర్ స్కేలుపై అది 7.8గా నమోదైంది. దీంతో సునామీ హెచ్చరికలు జారీ చేశారు. ఇందులో ప్రాణ నష్టమేమైనా సంభవించిందా అనే విషయం వెంటనే తెలియడం లేదు. ఆందోళన చెందాల్సిన అవసరం లేదని అంటున్నారు. భూకంపం వచ్చిన వెంటనే కొన్ని ప్రాంతాల్లో విద్యుత్ సరఫరా నిలిచిపోయింది.

సిబోల్గాకు 204 కిలోమీటర్ల దూరంలో 46 కిలోమీటర్ల లోతులో ప్రకంపనలు కేంద్రీకృతమైనట్లు అమెరికా జియోలాజికల్ సర్వే తెలిపింది. భూకంపం తర్వాత మూడు సార్లు ప్రకంపనలు చోటు చేసుకున్నట్లు తెలుస్తోంది. సునామీ ప్రమాదం లేదని పసిఫిక్ సునామీ హెచ్చరిక కేంద్రం తెలిపింది. స్థానికంగా మాత్రమే సునామీ ప్రభావం ఉంటుందని చెప్పింది.

దక్కన్‌పై రాజస్థాన్‌ రాయల్స్‌ గెలుపు..

ఇండియన్‌ ప్రీమియర్‌ లీగ్‌లో వరుసగా ఐదో మ్యాచ్‌లోనూ దక్కన్‌ చార్జర్స్‌ పరాజయం పాలైంది. సౌరబ్‌ త్రివేది 20 ఓవర్‌లో అనూహ్యంగా మూడు వికెట్లు కూల్చి చార్జర్స్‌ను దెబ్బతీసి తమ రాజస్థాన్‌ను  2 పరుగుల స్వల్ప తేడాతో గెలిపించాడు. సోమవారం నాడిక్కడ విదర్భ స్టేడియంలో జరిగిన ఈ మ్యాచ్‌లో ముఖ్యంగా చార్జర్స్‌ బౌలింగ్‌లో రాణించి, రాజస్థాన్‌ రాయల్స్‌ను 159 పరుగులకే కట్టడి చేసినప్పటికీ ఆ స్వల్ప లక్ష్యాన్ని సైతం చేధించలేక చతికిలబడింది. డాషింగ్‌ హిట్టర్‌ రోహిత్‌శర్మ ప్రత్యర్థి బౌలర్లను చీల్చి చెండాడి 73 పరుగులు చేసినప్పటికీ ఆఖరి ఓవర్‌లో విజయానికి కావాల్సిన పరుగులను అందించలేకపోయాడు.

19 ఓవర్‌లో 13 పరుగులు సాధించి విజయానికి చేరువలోకి వచ్చిన చార్జర్స్‌ ఆఖరి ఓవర్‌లోతమకు అవసరమైన మిగతా 6 పరుగులను అందుకోలేక మరో బంతి ఉండగానే ఆలౌట్‌ అయింది.157 పరుగుల వద్ద రోహిత్‌ను త్రివేది అవుట్‌  చేసి మ్యాచ్‌ను తమవైపు మళ్ళించాడు. 20 ఓవర్‌లో చార్జర్స్‌ ఆఖరి మూడు వికెట్లను సాధించి రాయల్స్‌ ఐదో విజయాన్ని అందుకోవడంద్వారా సెమీస్‌ అవకాశాలను సుగమం చేసుకుంది. ప్రస్తుతం ఆ జట్టు 10 పాయింట్లతో మెరుగైన స్థానంలో ఉంది.  చార్జర్స్‌ జట్టులో కెప్టెన్‌ గిల్‌క్రిస్ట్‌ (34) మినహా మిగతా వారంతా విఫలమైనప్పటికీ రోహిత్‌ దాదాపు ఒంటరి పోరాటం జరిపి 44 బంతుల్లో 8 బౌండరీలు 2 సిక్సర్లతో 73 పరుగులు చేశాడు.

వీరిద్దరూ కాకుండా రెండెంకల స్కోరుకు ఒక్క సైమండ్స్‌ (15) మాత్రమే చేరుకోగా మిగతా వారంతా వరుసగా పెవిలియన్‌ దారి పట్టారు. 14 ఓవర్‌లో అనిరుధ్‌ను ఆ తర్వాత తదుపరి ఓవర్‌లో స్మిత్‌, 18 వ ఓవర్‌లో బిలాకియాను అవుట్‌ చేసి వార్న్‌ రాయల్స్‌కు ఆశలు కలిగించాడు. అతడు మొత్తం 21 పరుగులకు 4 వికెట్లు కూల్చి  తన జట్టును గట్టెక్కించాడు. అంతకుముందు దక్కన్‌ చార్జర్స్‌ బౌలర్లు ఆర్‌పి సింగ్‌, హర్మిత్‌సింగ్‌ అలాగే హారిస్‌ విశేషరీతిలో రాణించి ఆఖరి ఓవర్లలో రాజస్థాన్‌ రాయల్స్‌ను కట్టడి చేయగలిగారు. ఒక దశలో180 పరుగులు పైగా చేస్తుందనుకున్న రాయల్స్‌కు కేవలం 31 పరుగులే ఇచ్చి 6 వికెట్లు కొల్లగొట్టడంతో టాస్‌ గెలిచి తొలి బ్యాటింగ్‌ చేసిన వారి ఇన్నింగ్స్‌ 159 పరుగులకే ముగిసింది.

వాట్సన్‌ (36 బంతుల్లో58) మరోసారి అద్బుతంగా రాణించి హాఫ్‌ సెంచరీ చేయడం వల్ల ఆ మాత్రమైనా చేయగలిగింది. 17 పరుగులకే రెండు వికెట్లు కొల్పోయిన రాయల్స్‌ను వాట్సన్‌, ఫజల్‌ కలిసి ధాటిగా ఆడి ఆదుకున్నారు. వీరిద్దరి విజంభణతో 11 ఓవర్‌ ముగిసేటప్పటికీ 94 పరుగులకు చేరుకోగలిగింది. ఆ దశలో బ్యాటింగ్‌కు దిగిన వారి విధ్వంసక బ్యాట్స్‌మన్‌ యూసఫ్‌ పఠాన్‌ను (5) హారిస్‌ ఒక షార్ట్‌ డెలివరీ బాల్‌తో అవుట్‌ చేసి దెబ్బతీశాడు. అయినప్పటికీ ఈ ఐపిఎల్‌లో రెండో మ్యాచ్‌ ఆడిన వాట్సన్‌ రెండో హాఫ్‌ సెంచరీ చేసి కొంత తేరుకునేలా చేశాడు.

16వ ఓవర్‌లో హర్మిత్‌ రెండు వికెట్లు కూల్చి దక్కన్‌ చార్జర్స్‌ అవకాశాలు పెంచాడు. ఆ తదుపరి ఓవర్‌లో నే ఆర్‌పి సంధించిన స్లోబౌన్సర్‌కు వాట్సన్‌ వికెట్‌ అప్పగించి తిరిగి వచ్చాడు. ఇక ఇక్కడినుంచి ఒకరి తర్వాత ఒకరు క్యూ కట్టారు. రాయల్స్‌ కెప్టెన్‌ వార్న్‌ రనౌట్‌ కాగా, త్రివేదిని (9) స్మిత్‌ బౌల్డ్‌ చేశాడు. దీంతో ఒక దశలో 103-3 పరుగుల స్కోరుతో ఉన్న రాయల్స్‌ చివరి బంతి మిగిలి ఉండగానే159 స్కోరుకు ఆలౌట్‌ అయింది.

క్రైస్తవుల మహా పర్వదినం ఈస్టర్‌

క్రైస్తవ సోదరులకు ముఖ్యమైన పండుగల్లో ఈస్టర్‌ ఒకటి. ఆరోజు క్రైస్తవులకు మహా పర్వదినం. ఆనందించదగ్గ సుదినం. ఎందుకంటే – గుడ్‌ఫ్రైడే నాడు శిలువవేయబడ్డ ఏసుక్ర్తీసు తిరిగి జన్మించింది ఈరోజే కనుక!

బైబిల్‌ ప్రకారం – గుడ్‌ఫ్రైడే నాడు జెరూసలెంలో ఏసుక్ర్తీసును శిలువ వేయడం జరిగింది. తాను దేవునిబిడ్డగా ప్రచారం చేసుకుంటున్నాడని చక్రవర్తికి పన్నులు కట్టాల్సిన పనిలేదని ప్రజలకు నూరిపోస్తున్నాడని – ఇలా వివిధ ఆరోపణలతో ఏసుక్రీస్తును యూదులు శిలువ వేశారు. తలపై ముళ్ల కంపలతో, కొరడాదెబ్బలతో ఆయన శరీరం రక్తసిక్తమైంది. శిలువపై ఆయన్ని మేకులతో కొట్టడంతో తుదిశ్వాస విడిచాడు. గుడ్‌ఫ్రైడే నాడు ్యమధాహ్నం సరిగ్గా మూడు గంటలకు ఏసు మరణించడంతో శిలువ నుంచి ఏసుక్రీస్తు శవాన్ని జోసెఫ్‌ అనే వ్యక్తి కిందకు దించాడు.

ఆ మృతదేహాన్ని ఓ సన్నని షీట్‌లో భద్రపరిచి సమాధి చేశాడు. అయితే ఆ సమాధిలో ఏసు మృతదేహంపై ఎలాంటి సుగంధ ద్రవ్యాల్ని వేసిన దాఖలాలు లేవు. ఈ విషయాన్ని గలిలీ నుంచి వచ్చిన కొంతమంది స్త్రీలు గమనించారు. దాంతో వారు ఇంటికి వెళ్లి కొన్ని సుగంధద్రవ్యాల్ని, పెరఫ్్యూమ్‌లను తయారుచేశారు. ఆ మర్నాడు సబ్బతో (శనివారం) కాబట్టి వారు విశ్రాంతి తీసుకున్నారు. (యూదు చట్టం ప్రకారం) ఆదివారం ఉదయం పొద్దున్నే – ఆ స్త్రీలు సమాధి దగ్గరకు సుగంధ ద్రవ్యాల్ని తీసుకు వెళ్లారు.

అక్కడ వారు చూసిన దృశ్యం అందర్నీ ఆశ్చర్యంలో ముంచెత్తింది. ఆ సమాధి పక్కనే ఉన్న ఒకరాయి పక్కకు దొర్లినట్లు కనిపించింది. లోపల ఏసు మృతదేహం లేకపోవడం ఇంకా ఆశ్చర్యం. ఒక్కసారిగా మెరిసిపోయే ధవళ వస్త్రాలలో ఇద్దరు ఆ స్త్రీల చుట్టూ ఉండడం కనిపించింది. వారెవరో కాదు దేవతలు…

సమాధి నుంచి బయటకు వచ్చి – బతికి ఉన్న వ్యక్తి కోసం ఎందుకు సమాధిలో ఇంకా వెతుక్కుంటారు. వ్యర్ధంగా అని ఆ దేవతలు ఆ స్త్రీలను ప్రశ్నించారు. ఆ స్త్రీల ఆనందానికి అంతులేదు. గబగబ ఇళ్లకు వెళ్లారు. అందరికీ ఈ ఆనందకర వార్తను చెప్పారు. క్షణాల్లో ఈ విషయం అందరికీ పాకిపోయింది. దేవుని బిడ్డ తిరిగి బతకడంతో తమ జీవితాల్లో వెలుగులు నింపుతాడని భావించి వారి ఆనందానికి అవధుల్లేవు, పట్టపగ్గాల్లేవు. ఆదివారంనాడు ఏసుప్రభువు పునరుజ్జీవితుడయ్యాడు. కాబట్టి ఆ రోజు వారు ఈస్టర్‌ పండగ జరుపుకున్నారు. ఈస్టర్‌ అనే పదం పుట్టుక చాలా మందికి తెలీదు. ఆంగ్లో-స్క్సాన్‌ ట్యుటోనిక్‌లో శరదృతువుకు, ఫలత్వానికి దేవతకు – ఈస్టర్‌ అనే పదంతో సంబంధం ఉన్నట్లు చెబుతారు. ఈ దేవతను పూజించేందుకు ఏప్రిల్‌ మాస్నాని అంకితం చేశారు.

ఈస్టర్‌కు గల మరో పేరు – పాస్ట్. ఈ పదం – యూదుల పండుగ అయిన పేసో పండగ కు చెందిందని చెబుతారు. నిజానికి చాలా లక్షల సంవత్సరాల కిందట క్రైస్తవుల్లో చాలా మంది యూదు వంశానికి చెందిన వారు. వారు ఈస్టర్‌ను కొత్త అనుభూతిగా ఆహ్వానించారు. ఈస్టర్‌ వారంలో అనేక ఉత్సవాలు జరుపుకోవడం రివాజు. వసంత రుతువును ఆహ్వానిస్తూ సూర్యోదయపు తొలికిరణాల్ని స్వాగతించడం ఓ ఉత్సవం. బాప్టిస్టులకు ఈస్టర్‌ రాత్రి ఓ మధురానుభూతి బ్టాపిజం తీసుకునే కొత్తవారు – మరణానికి చిహ్నమైన రాత్రి చీకట్లను పారదోలడం ప్రముఖంగా సాగే చర్చ. రాత్రివేళ జరిగే ఈ ఉత్సవం – నూతన జీవిత్నాని పొందేందుకు వెలుగును ప్రసాదించడం విశేషం. దీనికి గుర్తుగా వారు ఆ చీకటి వేళ కొవ్వోత్తుల్ని వెలిగిస్తారు. దీన్ని నైట్‌ ఆఫ్‌ ఇల్యుమినేషన్‌ అని పిలుస్తారు. కొవ్వొత్తుల్ని వెలిగించే సంప్రదాయం ప్రారంభమైంది. ఈ ఉత్సవం నుంచే!

ఈస్టర్‌ ఆదివారంనాడు – క్రైస్తవులు చర్చిల్లో కొవ్వొత్తులు వెలిగిస్తారు. ఈస్టర్‌ నాడు – క్రైస్తవులు కొవ్వొత్తులు వెలిగించుకుని వాటిని చేతబట్టుకుని నగరమంతా పర్యటిస్తారు. దీన్ని ఈస్టర్‌ పెరేడ్‌ అంటారు. ఈ ఉత్సవం కూడా కొత్తగా బాప్టిజం తీసుకుని క్రైస్తవ మతంలోకి వెళ్ళేవారి కోసం ఏర్పాటైనది. కొత్త బట్టలు కట్టుకుని, క్రైస్తవ సోదరులందరి ఇళ్లకూ వెళ్లి బహుమతులు పంచుకోవడం జరుగుతుంది.

అంతేకాదు – ఈస్టర్‌ రోజున క్రైస్తవ సోదరులు అందంగా అలంకరించిన కోడిగుడ్లను పరస్పరం పంచుకుంటారు. ఈ కోడిగుడ్డు – నూతన జీవితానికి హ్నం. పై నున్న బలమైన పెంకును దూసుకుని బయటకు జీవి వ్చనట్లు – పునర్జన్మకు ఇది సంకేతం. గుడ్‌ఫ్రైడే నాడు సమాధి కాబడిన ఏసుప్రభువు – ఈస్టర్‌ సండేనాడు సమాధి నుంచి బయటకు వచ్చాడు. కోడిగుడ్డు లోంచి కోడిపిల్ల బయటకు వచ్చినట్లుగా జరిగిన ఆ సంఘటనకు గుర్తుగా – ఈస్టర్‌నాడు క్రైస్తవులు కోడిగుడ్లను పంచుకోవడం జరుగుతుంది. ఈస్టర్‌ నాటి కుందేలుకు కూడా ప్రాధాన్యం ఉంది. ఇది ఫలదీకరణకు, ఫలవంతానికి ప్రతీక. ఇది వసంత రుతువును ప్రతిబింబిస్తుంది.

‘కింగ్స్‌’ జోరు..!!

కింగ్స్‌ ఎలెవెన్‌ పంజాబ్‌ ఎట్టకేలకు ఆదివారం మళ్లీ విజయాన్ని నమోదు చేసింది. సిరీస్‌ ప్రారంభం నుంచి వరుసగా మూడు మ్యాచ్‌ల్లో ఓటమి చెంది హ్యాట్రిక్‌ కొట్టిన పంజాబ్‌ మార్చి 21న చెన్నైపై సూపర్‌ ఓవర్‌తో భోణీ కొట్టింది. తర్వాత మళ్లీ తన పాతకథనే పునరావతం చేసి ఓటముల పరంపరను కొనసాగించిన పంజాబ్‌ ఎట్టకేలకు ఆదివారం కోల్‌కతాపై భారీ విజయాన్ని నమోదు చేసింది. ఇప్పటి వరకు సిరీస్‌లో మొత్తం 9 మ్యాచ్‌లాడిన కింగ్స్‌ ఏడు పరాజయాలు మూటగట్టుకొని రెండు విజయాలను నమోదు చేసింది. ఈ విజయం పంజాబ్‌కు మేలు చేస్తుందా? లేక మరో జట్టుకు కీడు చేస్తుందా వేచి చూడాల్సి ఉంది.

ఆదివారం ఇక్కడ జరిగిన మ్యాచ్‌లో తొలుత బ్యాటింగ్‌ చేసిన కోల్‌కతా నిర్ణీత 20 ఓవర్లలో 200 పరుగులు చేసింది. ఓపెనర్లు గంగూలీ, క్రిస్‌ గేల్‌లు శుభారంభం చేసి 7.2 ఓవర్లలో తొలి వికెట్‌కు 56 పరుగులు జత చేశారు. ఈ క్రమంలో గంగూలీ (36) బొపార బౌలింగ్‌లో పెవీలియన్‌కు చేరాడు. అనంతరం తివారీతో జత కలిసిన గేల్‌ రెచ్చిపోయి బ్యాటింగ్‌ చేశాడు. 42 బంతుల్లో 6 ఫోర్లు, 8 సిక్స్‌ల సాయంతో 88 పరుగులు చేసి థిరన్‌కు దొరికిపోయాడు.157 పరుగుల వద్ద రెండో వికెట్‌ను కోల్పోయిన రైడర్స్‌కు తివారీ (35), మ్యాథ్యూస్‌ (17 నాటౌట్‌), హస్సీ (11 నాటౌట్‌) సమర్ధవంతగా ఆడి ప్రత్యర్థి ముందు 201 పరుగుల విజయ లక్ష్యాన్ని ఉంచారు.

భారీ విజయ లక్ష్యంతో బరిలోకి దిగిన పంజాబ్‌కకు కార్తిక్‌ ప్రారంభంలోనే చెక్‌ పెట్టి బిస్లా (18)ను పెవీలియన్‌కు చేర్చాడు. అయితే సిరీస్‌లో ఇప్పటి వరకు ఆశించిన మేర రాణించడంలో ప్రతి మ్యాచ్‌లో విఫలమవుతూ వస్తున్న మరో ఓపెనర్‌ జయవర్ధనే కోల్‌కతా బౌలర్లకు చుక్కలు చూపించాడు. సిక్స్‌లు, ఫోర్లతో విరుచుకుపడి బంతిని మైదానం నలుమూలలా పరుగులు పెట్టించాడు.

తాను ఎదుర్కొన్న 59 బంతుల్లో 14 ఫోర్లు, 3 సిక్స్‌ల సాయంతో 110 పరుగులు చేసి ఆజేయంగా నిలిచాడు. ఇతనికి తోడు కెప్టెన్‌ సంగక్కర (38), యువరాజ్‌ (33)లు రాణించడంతో 18.2 ఓవర్లలో 2 వికెట్లు కోల్పోయిన పంజాబ్‌ 204 పరుగులు చేసి 8 వికెట్ల తేడాతో విజయం సాధించింది. సెంచరీ చేసి జట్టు విజయాన్నందించిన జయవర్థణేకు మ్యాన్‌ ఆఫ్‌ ది మ్యాచ్‌ అవార్డు లభించింది.

స్కోరు బోర్డు : కోల్‌కతా నైట్‌రైడర్స్‌ ఇన్నింగ్స్‌ : గంగూలీ సి బి బోపారా 36, గేలె సి బో పారా బి తెరాన్‌ 88, తివారీ సి సబ్‌ (కైఫ్‌) బి పఠాన్‌ 35, మాథ్యూస్‌ నాటౌట్‌ 17, హస్సీ నాటౌట్‌ 11, అదనం 13, మొత్తం 3 వికెట్ల నష్టానికి 200.
వికెట్ల పతనం : 1-56 గంగూలీ, 2-157 గేలె, 3-182 తివారీ.
బౌలింగ్‌ : పఠాన్‌ 4-0-36-1, పోవార్‌ 4-0-23-0, శ్రీవాత్సవ 3-0-35-0, తె రాన్‌ 4-0-36-1, బోపారా 3-0-43-1, చావ్లా 2-0-26-0.

కింగ్స్‌ ఎలెవెన్‌ పంజాబ్‌ ఇన్నింగ్స్‌ : బిస్లా బి కార్తిక్‌ 18, జయవర్ధనే నాటౌట్‌ 110, సంగ క్కర సి హస్సీ బి బాండ్‌ 38, యువరాజ్‌ సింగ్‌ నాటౌట్‌ 33, అదనం 5, మొత్తం 18.2 ఓవర్లలో రెండు వికెట్ల నష్టానికి 204.
వికెట్ల పతనం : 1-51 బిస్లా, 2-149 సంగక్కర.
బౌలింగ్‌ : బాండ్‌ 4-0-32-1, ఉనాడ్కట్‌ 2.2-0-32-0. కార్తీక్‌ 4-0- 41-1, గేలె 1-0-16-0, మాథ్యూస్‌ 3-0-32-0, అగార్కర్‌ 3-0-35-0, హస్సీ 1-0-13-0.

శీతలపానీయాలు అమ్మకాలు పెంచే వ్యూహం

వేసవితో దేశమంతటా విద్యుత్‌ కొరత వచ్చినప్పటికీ కార్పొరేట్‌ సంస్థలు తమ ఎయిర్‌ కండిషనర్లను ఎయిర్‌ కూలర్లను విక్రయించడానికి వ్యూహాలను సిద్ధం చేస్తున్నాయి. అలాగే శీతలపానీయాల కంపెనీలు, ఐస్‌క్రిమ్‌ కంపెనీలు తమ ఉత్పత్తులను భారీగా పెంచుకోవ డానికి వ్యూహాలు రచిస్తున్నాయి. ఇండియాలో ఇటీవల కాలంలో ఈ ఉత్పత్తులకు మార్కెట్‌ బాగా పెరిగింది. ప్రజల తలసరి ఆదాయం పెరగడం, వేతన సంఘాల సిఫారసులను అమలు చేయడం, బడ్జెట్‌లో ఆదాయపు పన్ను రాయితీల ద్వారా రూ.21వేల కోట్లను ప్రజల జేబులో ఉండేలా చూడటంతో ఈ అమ్మకాలు బాగా పెరగనున్నా యని మార్కెట్‌ నిపుణులు అంచనా వేస్తున్నారు.

శీతలపానీయాలు తయారు చేసే కోకోకోలా, పెప్సీకో, పార్లేఆగ్రో ఇప్పటికే ఎలక్ట్రానిక్‌ ఛానెల్స్‌లో తమ ప్రచారాన్ని ముమ్మరం చేసాయి. దానితో పాటు స్టోర్సులో తమ ఉత్పత్తుల మీద ప్రజల దృష్టిపడేలా ప్రత్యేక చర్యలు తీసుకుంటున్నాయి. పెప్సీ ఎంగిస్తాన్‌ పేరుతో ప్రత్యేక ప్రచార కార్యక్రమం నిర్వహిస్తున్నది. కోకోకోలా మినిట్‌ మెయిడ్‌ రేంజ్‌ పండ్ల రసాల మార్కెటింగ్‌ను ఉధిృతం చేస్తున్నది. అలాగే ఐస్‌ క్రిమ్‌ విక్రయించే అమూల్‌, హిందుస్తాన్‌ యూనిలివర్‌, ఇండ్లలో తమ ఉత్పత్తుల వినియోగం ఎక్కువైలా శద్ధ్ర తీసుకుంటున్నాయి. ఇందుకోసం ప్రత్యేక ధరలను ఆఫర్‌ చేస్తున్నాయి.

కన్జ్యూమర్‌ డ్యూరబుల్స్‌ అమ్మకాలు బాగా పెరగ డంతో వేసవిలోని ఈ డ్యూరబుల్స్‌ విక్రయించే కంపెనీలు పండగా చేసుకుంటున్నాయి.కొన్ని కంపెనీలు తమ టెక్నాలజీకి ఎక్కువ ప్రచారం ఇస్తే మరికొన్ని కంపెనీలు వినియోగదారుల ఇతర అవసరాలకు ప్రచారం ఇస్తున్నాయి. వోల్టాస్‌ తన వ్యాపార ప్రకటనల వ్యయాన్ని ఈ సీజన్‌లో 66 శాతం పెంచింది. గోద్రెజ్‌ అప్లయన్స్‌స్‌ తమ ఉత్పత్తులను కొనుగోలు చేసిన వారికి టైమెక్స్‌ వాచీని ఉచితంగా ఇస్తున్నది. అలాగే ప్రతిఉత్పత్తి విద్యుత్‌ను తక్కువ వినియోగిస్తుందన్న ప్రచారాన్ని ఎక్కువ కల్పిస్తున్నారు.అలాగే దుస్తులు విక్రయించే వ్యాన్‌ హూసెన్‌ తన ఎకో ఫ్రెండ్లీ షర్టుల గురించి ప్రత్యేక ప్రచారం చేస్తున్నది. సేంద్రియ పత్తి నుంచి తయారు చేసిన నూలుతో ఈ దస్తులను తయారు చేసినట్లు ప్రచారం చేస్తున్నారు. ఇండియాలో ప్రస్తుతం శీతలపానీయాల వ్యాపారం రూ.8,500 కోట్ల స్థానంలో ఉంది.

అలాగే ఐస్క్రీము వ్యాపారం రెండువేల కోట్ల రూపాయల స్థానంలో ఉంది. కన్జ్యూమర్‌ డ్యూరబుల్స్‌ రూ.30వేల కోట్లు, దుస్తుల వ్యాపారం రూ.35వేల కోట్లల స్థానంలో ఉంది. కోకోకోలా నింబూ ఫ్రెష్‌, మినిట్‌ మెయిడ్‌ బ్రాండ్‌ పేరుతో విజయం సాధించి ఆపిల్‌ ప్లేవర్లను, మిక్స్‌డ్‌ ఫ్రూట్‌ ప్లేవర్లను ప్రవేశపెట్టాలని చూస్తున్నది. వినియోగదారులు శీతలపానీయా లకు, పండ్ల రసాలకు ఎంతవరకు ధర చెల్లించ డానికి ఇష్టపడుతారో అన్న అంశాన్ని అవగాహన చేసుకోవడానికి పెప్సీ,కోకోకోలా, పార్లేఆగ్రో విశ్వప్రయత్నం చేస్తున్నాయి. పార్లేఆగ్రో ఫ్రూటీ పాకేట్లను ఐదురూపాయలకు, 110 ఎమ్‌ఎల్‌ విక్రయించే మార్కెట్‌ వ్యూహాన్ని గత సంవత్సరం అనుసరించింది. దానివల్ల అమ్మకాలు బాగా పెరిగాయి.

గ్రామీణ ప్రాంతాల్లోనూ, తక్కువ ఆదా య వర్గాల్లో వీటి అమ్మకాలు బాగా పెరిగాయి. ఇప్పుడు ఫ్రూటీ, అపిక్లాసిక్‌ ఎల్‌ఎమ్‌ఎన్‌ పానీయాలను లీటరు పాక్‌లో ప్రవేశపెట్టాలని ఇండ్లలో వినియోగానికి అనుకూలంగా దీనిని మార్కెట్‌ చేయాలని కంపెనీ చూస్తున్నది.ఇండియాలో ఐస్‌క్రిములకు మార్కెట్‌ ఇంకా విస్తరి స్తుందని కంపెనీలు గుర్తించాయి. అనేక ఫ్లేవర్లలో వీటిని విడుదల చేస్తున్నాయి. హిందుస్తాన్‌ యూనిలీవర్‌, అమూల్‌ ఈ మార్కెట్లో గట్టిగా పోటీపడుతున్నాయి. పది రూపాయలకు, 15 రూపాయలకు, ట్విస్టర్‌ నింజారెయిన్‌బో పేరుతో యువతీయువకుల కోసం హిందుస్తాన్‌ యూనిలివర్‌ కొత్త ప్లేవర్లను ప్రవేశపెట్టింది. అలాగే అమూల్‌ పది నుంచి రూ.20 మధ్య ధరల్లో అనేక ఫ్లేవర్లలో ఐస్క్రీము కోణ్‌లు, కప్పులు, స్టిక్‌లను ప్రవేశపెట్టింది.

అమెరికాలో భారీ భూకంపం

అమెరికాలో భారీ భూకంపం సంభవించింది. రిక్టర్‌ స్కేల్‌పై 7.2గా నమోదు అయింది. యూఎస్‌లోని మెక్సికో సమీపంలోని బాజా క్యాలీఫోర్నియో సరిహద్దుల్లో భూ ప్రకంపనాలు వచ్చాయి.

వాషింగ్టన్,  మెక్సికోలో సోమవారం ఉదయం భారీ భూకంపం సంభవించింది. గంట వ్యవధిలో మూడూ సార్లు భూమి కంపించినట్లు, రిక్టర్ స్కేల్ పై 7.2గా నమోదైనట్లు అమెరికా జియోలాజికల్ కేంద్రం ప్రకటించింది. మెక్సికోలోని బాజా కాలిఫోర్నియాను భూకంపం తాకింది. లాస్ ఏంజెల్స్స స్యాస్ డియాగో, అరిజోనా, లాస్ వేగాస్, సౌత్ కాలిఫోర్నియాల్లో కూడా భూప్రకంపనల ప్రభావం కనిపించింది.

భూకంపం మెక్సికోలోని బాజా కాలిఫోర్నియా ప్రాంతంలో సంభవించినట్లు అమెరికా భూగర్భ శాస్త్రవేత్తలు తెలిపారు. భూకంప తీవ్రత రిక్టరు స్కేలుపై 7.2 నమోదైనట్లు అధికార వర్గాలు తెలిపాయి.

భూకంపం సంభవించడంతో ప్రలకు ఎలాంటి ఇబ్బంది తలెత్తలేదని, ఇందులో ఎవ్వరికీ గాయాలు కాలేదని, ప్రాణాపాయం తలెత్తలేదని అధికార వర్గాలు పేర్కొన్నాయి. అలాగే లాస్ ఏంజిల్స్, స్యాస్‌డియగో, అరిజోనా, లాస్‌వెగాస్, సౌత్ కాలిఫోర్నియా సమీపాల్లోను భూప్రకంపనలు వెలువడినట్లు అధికారులు తెలిపారు.

భూకంపం 32 కిలోమీటర్ల లోతులో సంభవించిందని అధికారులు తెలిపారు. ఇదిలావుండగా 1992 తర్వాత ఇంత పెద్ద ఎత్తున భూకంపం రావడం ఇదేనని అధికారులు పేర్కొన్నారు.

భూప్రకంపనలతో ప్రజలు తీవ్ర భయాందోళనలకు గురయ్యారు. 1992 తర్వాత ఇంత పెద్ద యెత్తున భూకంప రావడం ఇదే తొలిసారు. ఆస్తి, ప్రాణ నష్టాలకు సంబంధించిన సమాచారం వెంటనే తెలియరాలేదు. భూకంపం వల్ల నష్టం భారీగా సంభవించి ఉంటుందని భావిస్తున్నారు. సాన్ డియాగోలో, మెక్సికోల్లో నష్టం సంభవించినట్లు వార్తలు వస్తున్నాయి.