అక్టోబర్‌లో ఎయిర్‌టెల్‌ 3జి సర్వీసులు

భారతి ఎయిర్‌టెల్‌ తన 3జి సర్వీసులను ఈ సంవత్సరాంతంలోగా ప్రారంభిస్తుంది. 3జి నెట్‌వర్క్‌ సిద్ధంగా ఉన్నదని, బిల్లింగ్‌ అప్లికేషన్‌ కంటెంట్‌ అంశాలు కూడా సిద్ధంగా ఉన్నాయని, బిడ్డింగు పూర్తికాగానే ఆరు నుంచి ఎనిమిది నెలల్లోగా సర్వీసులను పూర్తి స్థాయిలో ప్రారంభిస్తామని భారతిఎయిర్‌టెల్‌ సిఇఓ (ఇండియా, దక్షిణాసియా) సంజయ్ కపూర్‌ చెప్పారు. హెచ్‌టిసి స్మార్ట్‌ ఫోన్‌ను ఎయిర్‌టెల్‌ నెట్‌వర్క్‌కు ప్రత్యేకంగా ప్రారంభించారు. 3జి స్పెక్ట్రమ్‌ వేలం ఏప్రిల్‌ తొమ్మిదిన జరగాల్సి ఉంది. బిడ్డింగులో విజయం సాధించిన కంపెనీలు 2010 సెప్టెంబరు ఒకటి తర్వాతనే తమ సర్వీసులను ప్రారంభించాల్సి ఉంటుంది.

భారతి ఎయిర్‌టెల్‌ అక్టోబరు నుంచి ఈసర్వీసును ప్రారంభించే అవకాశం ఉంది.భారతి ఎయిర్‌టెల్‌ 3జి స్పెక్ట్రమ్‌ కోసం బ్రాడ్‌బాండ్‌ కోసం కూడా బిడ్‌లు సమర్పించింది. భారతి ఒక్కటే కాకుండా ప్రధాన మొబైల్‌ కంపెనీలన్నీ ఆఫర్లు ఇచ్చాయి. వొడాఫోన్‌, రిలయన్స్‌ కమ్యూనికేషన్‌, టాటాలు, ఐడియా సెల్యూలార్‌ కూడా 3జి స్పెక్ట్రమ్‌ కోసం బిడబ్ల్యుయుఎ స్పెక్ట్రమ్స్‌ కోసం దరఖాస్తు చేస్తాయి. ఇటిసలాట్‌, వీడియోకాన్‌లు మాత్రం ఒక్క 3జి స్పెక్ట్రమ్‌ కోసమే దరఖాస్తు చేసాయి. క్వాల్‌కామ్‌, హెచ్‌ఎఫ్‌సిఎల్‌, టికోనా, స్పైస్‌ వంటి కంపెనీలు కేవలం బిడబ్ల్యుయుఎ కోసమే దరఖాస్తు చేసాయి.

దేశవ్యాప్తంగా 3జి స్పెక్ట్రమ్‌ కావాలనుకునే కంపెనీలకు రూ.3,500 కోట్ల రిజర్వు ధరను నిర్ణయించారు. బ్రాడ్‌బాండ్‌ వైర్‌లెస్‌ యాక్సెస్‌ సర్వీసు కోసం రూ.1750 కోట్లు రిజర్వు ధరగా నిర్ణయించారు. అయితే ఈ స్పెక్ట్రమ్‌ కోసం చాలా కంపెనీలు పోటీపడుతుండటం వల్ల బిడ్డింగు ధర ఎక్కువగానే ఉండవచ్చు. దేశవ్యాప్తంగా కనీసం ముగ్గురు ఆపరేటర్లకు స్పెక్ట్రమ్‌ విక్రయిస్తారు. కొన్ని రాష్ట్రాల్లో నలుగురు ఆపరేటర్లకు స్పెక్ట్రమ్‌ విక్రయిస్తారు. 3జి మొబైల్‌ సర్వీసు అతివేగంగా కంటెంట్‌ను డౌన్‌లోడ్‌ చేసుకోవడానికి అవకాశం కల్పిస్తుంది. ఎయిర్‌టెల్‌కు ప్రస్తుతం దేశంలో 12.46 కోట్ల వినియోగదారులు ఉన్నారు.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s